كلمات حقيقية حول .. (( بروس لى )) ..

السلام عليكم ورحمة الله وبركاته
اود ان احدثكم عن بعض خواطرى تجاهكم انتم
انتم الموهومون بقوة خرافية للمدعو بروس لى
...
تتخيلون انتم كثير انه يستطيع تحطيم
باب الشقة بتاعته بضربة واحدة و يلاقى مراته معملتلوش الغدا يقوم متنرفز و
ناطط من تالت دور و يقف و يكمل مشى عادى
و يجى بعد شوية كمان اربعين حرامى عايزين يسرقوه فى حتة مقطوعه يقوم هو يخلص عليهم بضربتين لكل واحد و يخضهم بالصريخ بتاعه
صدقونى هو انسان عادى جدا
ملناش دعوه باخلاقياته بس كان مقاتل
جيد لكنه عادى جدا و اخذ شهرته من الافلام اللى لازم يضرب فيها 399 واحد
من غير ما يتعور بالاضافة الى وسامته الاسيوية و ملامحه القاسية
..
اخى حاصل على دكتوراة فى التاريخ و هو كان لاعب كاراتيه فذ الموهبه
و بالتالى كان يقرأ عن اصول الفنون القتالية بالفطرة
و عندما سالته عن فن الجيت كون دو
الذى ابتكره بروس لى فافادنى بان الجيت كون دو له فروع كثيرة فى مختلف
المدارس (جيوجتسو و كونج فو و مدرسة كوريا) تحت نفس المسمى و تحت مسميات
اخرى و تحمل نفس المبادئ و التكنيكات
و اذا حشرنا بروس لى فى الموضوع سنجد
انه لم يبتكر بل طور اشياء بسيطة كنوعية القفز المستخدمة فى الدفاع
بالتفادى بالاضافة الى ضربة قبضة الانش الواحد( ضربة المجال القصير ) و
التى هى فى الاصل موجودة فى اسلوب لوهان (قبضة الافضل).